Kombëtarja shqiptare do të përballet me Andorrën në kuadër të raundit të dytë të kualifikueseve të Botërorit. Sfida që do të zhvillohet në “Arena Kombëtare”, nis në orën 20:45.
Të dy ekipet futen në fushën e lojës për të bërë kthesën, për shkak se u mposhtën në ndeshjet e para respektive. Andorra u mund 0-1 nga Letonia, ndërsa kuqezinjtë tanë pësuan disfatë 2-0 përballë Anglisë.
Momentalisht andorrianët janë më lart në renditje, kjo për shkak të golavarazhit. Përsa i përket sfidës së sotme, Shqipëria është favorite në letër, por gjithçka i mbetet fushës.
Por 2 orë para se të fillojë kjo sfidë, FSHF-ja ka publikuar pamjet nga dhomat e zhveshjes. Lojtarët në sfidën e sotme do të mbajnë veshur uniformën e parë të Kombëtares, atë të kuqen.
