Pas një publikimi të Eurostat i cili e rradhiste Shqipërinë si vendin e tretë në kontinent për çmimet më të ulëta të energjisë elektrike, ka reaguar përmes një postimi, Kryeministri Edi Rama. Kreu i qeverisë ka shkruar se një fakt i tillë i duhet treguar sharlatanëve dhe gënjeshtrarëve që thonë papushim se çmimi i energjisë elektrike është rritur.
“Tregojani këtë fakt kuptimplotë të reformës historike të energjisë, të gjjthë gënjeshtarëve e sharlatanëve që ju thonë papushim se u rrit çmimi i energjisë!
Ne nuk do të ndalemi në rrugën e reformave reale për Shqipërinë e Gjeneratës Tjetër. Dhe as do të mjaftohemi kurrësesi me sa është arritur në sektorin e energjisë.
Jemi krenarë për sa shume kemi bërë, por aspak të kënaqur. Sepse ambicia jonë është ta kthejmë sektorin elektro-energjitik shqiptar, në një model të Gjeneratës Tjetër; me një shërbim shembullor për klientët dhe fuqi udhëheqëse për rritjen e ekonomisë kombëtare e të mirëqenies shoqërore.”- shkruan Rama në rrjetin e tij social. java/ a.k