Kryeministri Edi Rama ka deklaruar hapur pas mbledhjes se Këshillit të Përhershëm të OSBE-së në Vjenë, se Shqiperia eshte nje vend i NATO-s dhe cdo sulm mbi ne, eshte nje sulm ndaj NATO-s.
Ne nje konference per mediat, me gazetare, pasi paraqiti përparësitë e Shqipërisë në kryesimin e Organizatës për Siguri dhe Bashkëpunim në Europë gjatë vitit 2020, Rama iu pergjigj interesit te gazetareve per riskun qe i kanoset vendit tone, edhe pas mesazhit te dhene nje dite me pare nga Lideri Suprem i Iranit.
“Ne e dimë shumë mirë që duke ndërmarrë hapin e përfshirjes së operacionin humanitar të mbrojtjes se jetës se atyre qe janë te rrezikuar, kemi marrë përsipër një risk, jam shumë krenar që ky risk është marrë përsipër në mënyre bipartizane, në këtë drejtim politika shqiptare ka një qëndrim dhe e ka bërë këtë hap me bindje të unifikuar në funksion të një aleance te padisktueshme me SHBA”, tha ai.
Kreu i qeverisë deklaroi më tej se jemi anëtarë të NATO-s dhe cdo sulm mbi vendin tonë është një sulm mbi NATO-n.
“Të jemi të qartë. Për kë mund ta ketë imagjinuar përfshirjen tonë në NATO si celebrim të një statusi të ri dhe jo moment angazhimi për përballjen me risqet duhet ta rikonceptojë. Jemi në një botë që përballemi me armiq të lirisë dhe demokracisë. Jemi krenarë që jemi të dobishëm në mbështetje të aleancës që lufton për një botë më të mirë” tha Rama.
g.kosovari
