Shqipëria ende ngelet e izoluar për shkak të COVID-19. Në pikën kufitare të Kapshticës mund të kalojnë vetëm qytetarët shqiptarë, të cilët banojnë në Greqi dhe kanë dokumente të rregullta. Ndërkohë, nuk lejohen që të futen në shtetit grek shqiptarët që kanë pasaporta biometrike.
Sakaq, Fax News raporton se Shqipëria nuk mund të shërbejë as si vend tranzit për shtetasit e huaj. Mësohet se ditën e sotme disa turistë kanë tentuar që të kalojnë pikën kufitare të Kapshticës, por nuk janë lejuar të futen në tokën greke.
Turistëve francezë dhe zvicerianë u është dhënë shpjegimi nga pala greke se hyrja është e ndaluar prej situatës të krijuar nga Covid-19. Atyre u është bërë me dije se mund të kalojnë për në vendet e BE-së nga aeroportet ose nga një pikë kufitare në Sofje.
Ndërkohë në vendimin e një dite më parë të qeverisë greke tbhuhet se në Greqi mund të hyjnë vetëm shtetasit grekë dhe ata shtetas të huaj me leje qëndrimi në Greqi.
Në këtë kategori hyjnë edhe minoritarët grekë.
g.kosovari
