Pas 29 vitesh Shqipëria ka dalë nga lista e vendeve në monitorim nga Këshilli i Europës.
Lajmin e ka bërë të ditur ministri i Jashtëm, Igli Hasani përmes një postimi në X, ku falenderon Asamblenë Parlamentare të Këshillit të Evropës dhe raportuesin për Shqipërinë Iounut Stroe.
Shqipëria është vlerësuar nga Këshilli i Europës për progresin e bërë këto vite. Raporti ka vlerësuar si të suksesshëm ecurinë e reformës në drejtësi. Gjithashtu është vlerësuar trajtimi i minoriteteve në vend si dhe grupeve vulnerabël, por pa harruar edhe përparimin në demokraci.
Asambleja parlamentare e Këshillit të Evropës ka votuar me 51 vota pro nga dalja e vendit tonë nga monitorimi i këtij organizmi të rëndësishëm.
Ministri i Punëve të Jashtme, Igli Hasani u shpreh përmes një postimi në rrjetet sociale, se angazhimi i Shqipërisë daj standardeve të KiE ka qenë i palëkundur.
“Angazhimi i Shqipërisë ndaj standardeve të Këshillit të Evropës ka qenë i palëkundur dhe përpjekjet tona të pandërprera më në fund po japin rezultatet e shumëpritura”, shkruan Hasani në X.
Reagimi i Ministrit Hasani:
Faleminderit Asamblesë Parlamentare të Këshillit të Evropës dhe raportuesit Ionut Stroe, për njohjen e reformave transformuese të drejtësisë në Shqipëri, luftën tonë kundër korrupsionit dhe përparimin e Shqipërisë në të drejtat e njeriut dhe demokracinë.
Angazhimi i Shqipërisë ndaj standardeve të Këshillit të Evropës, ka qenë i palëkundur dhe përpjekjet tona të pandërprera më në fund po japin rezultatet e shumëpritura.
Thank you @PACE_Neës and rapporteur Ionuț-Marian Stroe for recognizing Albania’s transformative justice reforms, our fight against corruption, and Albania’s progress in the human rights and democracy.
Albania’s commitment to the Council of Europe’s standards has been unëavering… pic.tëitter.com/P6zSrgDDG5
— Igli Hasani (@IgliHasani) April 17, 2024
/m.j
