Në 20. 45 në Elbasan Arena do të luhet ndeshja mes Shqipërisë dhe Izraelit e vlefshme për eliminatoret e Rusi 2018. Tekniku italian deklaroi se djemtë kuqezi do të zbresin në fushë për fitore ndërsa tekniku izraelit u shpreh se barazimin e kanë garantuar. Ndeshja nën masa të rrepta sigurie.
Trajneri i Kombëtares shqiptare, Giani De Biasi duket se e ka vendosur se cili do të jetë formacioni i kombëtares shqiptare që do të sfidojë Izraelin.
Kështu pritet që mbrojtja të mbetet e njëjtë me ndeshjet e tjera, ashtu si dhe Etrit Berisha në portë, ndërsa në mesfushë në qendër luajnë Kukeli, Xhaka dhe Memushaj.
Në sulm do të luajë Balaj, që do të ketë në mbështetje Roshin dhe Llullakun.
Formacioni i Shqipërisë: Berisha, Hysaj, Gjimshiti, Mavraj, Agolli, Kukeli, Xhaka, Memushaj, Roshi, Llullaku, Balaj.
Nga ana tjetër trajneri i Izraelit Elisha Levy do të përgjgjet me një skemë sulmuese 4-3-3, por që mund të shndërrohet thjeshtësisht në nëj 4-5-1 kur skuadra mbron. Në portë do të jetë Goresh, Dasa, Gershon, Tzedeke Ben harush do të përbëjnë 4-en difensive. Më mesfushë do të vendosen Kohen, Lavi dhe Nathko, ndërsa Zahavi, Hemed dhe Ben Haim do të fromojnë tre-dhëmbëshin ofensiv.
Shqipëri-Izrael, kompanitë e basteve favorizojnë ekipin shqiptar
Per ndeshjen eliminatore per Boterorin 2018 Shqiperi-Izrael, qe do te luhet sot ne oren 20.45 ne stadiumin “Elbasan Arena”, kompanite e basteve me kuotat e tyre favorizojne ekipin shqiptar.
Ja disa prej kuotimeve te dites se sotme:
1 x 2
Bwin 2,25 3,20 3,40
Eccobet 2,45 3,10 3,10
Lottosport 2,35 3,15 3,05
Bet65 2,25 3,25 3,60
Konferenca dje
Trajneri i kombëtares, Gianni De Biasi në konferencën e fundit për shtyp para ndeshjes shprehet se ekipi do të zbresë në fushë vetëm për fitore, pasi nuk janë të kënaqur me vendin e tretë.
“Ndryshimi i stadiumit nuk përbën problem, madje ‘Elbasan Arena’ na sjell fat.
Çështja e sigurisë së lartë nuk është problem për ne.
Roshi dhe Sadiku janë në gjendje për të luajtur një ndeshje në stërvitje por nuk e dimë akoma nëse janë gati për loje. Do ta merrni vesh nesër.
Deklaratat para ndeshjeve, janë gjithmonë taktike. Ne do të luajmë me formacionin më të mirë përballë Izraelit.
Ekipi nuk është i kënaqur me vendin e tretë në grup, prandaj kërkojmë kualifikimin në botëror” deklaroi ai nga Elbasani, ku ekipi ka zhvilluar stërvitjen e fundit para ndeshjes.
Trajneri i ekipit të Izraelit, Elishan Levi dhe kapiteni i skuadrës Zahavi kanë vlerësuar maksimalisht përballjen me Shqipërinë, ndërsa ndeshjen nuk e cilësojnë vendimtare për fatet e grupit, pasi janë edhe shumë ndeshje të tjera përpara.
“Të dyja ekipet kanë 6 pikë dhe nuk është vendimtare për vendin e tretë dhe të dyja duam këtë.
Ka ende shume ndeshje të tjera për të përcaktuar vendin e tretë në grup.
E respektojmë Shqipërinë. I kam parë dy herë, sot të gjithë njihen me të gjithë. Janë një skuadër shumë e mirë, që kanë bërë një turne të mirë në Euro 2016.
Njohim stilin, lojën dhe lojtarët, pasi ata luajnë në liga të mirë në Europë, por ne do të futemi në fushë për më të mirën”tha ai.
Por a do të firmoste tekniku izraelit për një barazim nesër në Elbasan?
“Edhe pse ne hyjmë për të fituar në çdo ndeshje, firmos për barazimin nëse ma thotë De Biasi” deklaroi ai.
Ndërsa kapiteni kur u pyet për kushtet e sigurisë u shpreh se jemi mësuar me një situatë të tillë.
“Jemi mësuar që të rrimë shpesh nëpër hotele pa dalë. Ne kemi ardhur për të luajtur futboll, nuk do të jetë e lehtë.
Nuk ka rëndësi ku do të luaj, e rëndësishme është që të marrim maksimumin” deklaroi ai Zahavi.
