Tirana dhe Elbasanit prej të premtes paradite, më 11 nëntor deri të shtunën pas përfundimit të ndeshjes Shqipëri-Israle do të kalojnë në “shtet rrethim” dhe niveli i sigurisë do të jetë ‘i kuq’. Burime nga policia e shtetit dhe shërbimi informative shtetëror bënë me dije për ReportTv se në planin e masave janë parashikuar 3000 forca përfshi të gjitha agjensitë ligjzbatues të vendit.
Përsa i përket sigurisë së stafit Israelit dhe lojtarëve të ekipit të tyre gjithcka do të monitohet nga shërbimet inteligjente të Mossad-it dhe në terren shoqërimi do të jetë vetëm me forcat e repartit special RENEA.
Masat e sigurisë për këtë ndeshje pritet të jenë krejt të kundërta nga aktiviteet e organizuara më parë kjo për shkak dhe të alarmit të krijuar pas arrestimit të 4 të dyshuarve si Xhihadist të cilët rezulton se kishin një plan për të krijuar trazira në Shkodër ku dhe ishte parashikuar të luhej kjo ndeshje.
Ndeshja u spostua nga stadiumi “Lororo Borici” në shkodër drejt “Elbasan Arena” për arsye sigurie por zyrtarisht ende nuk dihet se cili ishte plani i katër të arrestuarve të cilët funksiononin si një celulë e ISIS me bazë në Shkodër.
Agejntët e shërbimeve inteligjente të Israelit, Mossad kanë mbërritur tashmë në Shqipëri dhe takimet e tyre me palën shqiptare kanë nisur nga verifikimi i masave të sigurisë në aeroportin e Rinasit e deri në stadiumin e Elbasanit.
Në këtë plan sigurie pritet dhe evakuimi i disa familjeve në pallatet rreth stadiumit të Elbasanit pasi në to do të pozicionohen snajper dhe sisteme sigurie dixhitale të cilat do të aplikohen për herë të parë.
ReportTv ka mësuar se gjatë intinerarit të lëvizjes së ekipit Israelit nga Rinasi drejt Elbasanit i gjithë aksi do të jetë i bllokuar për automjetet dhe trafiku do të devijohet për qytetarët nga Durrësi dhe rruga e vjetër Tiranë-Ndroq-Durrës.
