Nën akuzën e shpronësimit të padrejtë të një prone në afërsi të zonës së Shkëmbit të Kavajës, tre gra janë vënë në pranga dhe dy persona të tjerë janë shpallur në kërkim, të dyshuar për shpërdorim detyre.
Policia e Durrësit në bashkëpunim me atë të Tiranës dhe Prokurorinë e Durrësit, pas një hetimi disamujor organizuan operacionin e koduar “Shpronësimi”.
Gjatë tij u godit një grup me ish- punonjës të Autoritetit Rrugor Shqiptar, të cilët duke shpërdoruar detyrën, kanë shpronësuar një pronë dhe kanë lejuar një subjekt që të ushtrojë aktivitetin në kundërshtim me ligjin, në afërsi të Shkëmbit të Kavajës.
Efektivët e policisë kanë bërë ekzekutimin e urdhrave të ndalimit të Prokurorisë, pasi Gjykata e Durrës u ka vendosur masën e sigurisë “Arrest në burg.
Të ndaluarat janë tre ga A. M., 57 vjeç, E. B., 40 vjeçe dhe N. D., 53 vjeçe, banuese në Tiranë.
Gjithashtu janë shpallur në kërkim shtetasit S. Ç., për veprën penale “Shpërdorimi i detyrës” dhe M. K., për veprat penale “Falsifikim i dokumenteve” dhe “Mashtrimit me pasoja të rënda”.
Ndaj të dyshuarve materialet iu referuan Prokurorisë së Durrësit, për veprime të mëtejshme.
g.kosovari
