Karta e memories se kutisë së zezë së helikopteirit të rrëzuar në Shkodër, është e sigurt nga aksidentet. Sipas kreut të “Airbus Helicopters”, Claas Belling i cili ka folur në një intervistë për “Panorama” në lidhje me rrëzimin e helikopterit EC 145 në Grizhë të Shkodrës më 6 prill të këtij viti, kutia e zezë ka dy karta memorie njërën të integruar dhe një operative që hiqet dhe se ajo ka gjithë matrealin viziv të resgjistruar brenda helikopterit.
“Dy ekspertët tanë kanë ndihmuar autoritetet shqiptare që të gjejnë kutinë e zezë (VIsion 1000 System).
Kjo pajisje e sofistikuar arrin që të regjistrojë dhe mbledhë të gjitha të dhënat audiovizuale të kabinës së pilotit, duke i ruajtur ato në dy vende. Njëra është memoria integrale, e cila është ndërtuar në një mënyrë që përballon çdo aksident të mundshëm dhe tjetra është memoria portative, e cila është një kartëmemorie e lëvizshme.
Këto informacione që mbledh kjo pajisje janë mjaft të rëndësishme për të zbuluar shkaqet e aksidentit. Pajisja është mjaft inovative dhe na jep mundësi që të rishohim momentet e aksidentit ashtu sikurse i kanë përjetuar pilotët, pra ashtu sikurse ka ndodhur”, thotë ai.
