Kryeministri Edi Rama dhe deputetja demokrate Rudina Hajdari janë përfshirë në replika lidhur me paketën anti-shpifje që pritet të miratohet sot nga Kuvendi.
Rama tha se deputetja Hajdari nuk e ka idenë se për çfarë bëhet fjalë ndërsa citoi edhe disa vargje të Kuranit.
“Nuk ia ke haberin paketës që ne duam të miratojmë. “Shpifësit i quan mishngrënës njerëzish që kërkojnë të vdekur”, kështu thotë kurani shenjtë dhe të ngrihesh e të tregosh putinizmin dhe erdoganiozmin, kur se ke idenë për çfarë po flet, është limonadë, në Gjermani të marrin shpirtin nëse guxon të shpifësh. Nuk e dua fare unë këtë ligj për vete e thashë”, tha Rama.
Në kundërpërgjigje, deputetja demokrate tha se Shqipëria bazohet mbi Kushtetutë dhe jo në Kuran.
“Mos u tregoni arrogant. Ne kemi Kushtetutën. Ligji i parë që zbatojmë është kushtetuta. Mos na sillni kuranin këtu”, tha Hajdari.
Rudina Hajdari ka kërkuar një javë kohë për të parashtruar propozimin e saj për paketën antishpifje.
“Unë kam një propozim për ju. Ndaloni proceduarat. Më jepni një javë, më jepni disa ekspertë të merrëm dhe unë. Asnjë nga ato seanca dëgjimore nuk është marrë parasysh. Edhe sikur mos ta kisha lexuar fare ndërkombëtarët e kanë thënë që është me probleme. Kanë thënë hiqni kompetencat AMA-s dhe AKEP apo gjobat e sanksionura,. Disa këshill . na jepni një javë dhe shohim nëse jeni aq i hapur. Ju bllokoni çdo gjë që vjen nga opozita. Mendoni se keni forcën absolute. Mendoni se jeni i gjithëpushtetshëm dhe ky është problemi”, tha Hajdari.
g.kosovari
