Disa shqiptare janë mes 26 vajzave viktima të trafikut me qëllim prostitucionin në Irlandë, që janë shpëtuar nga një organizatë bamirëse.
Organizata Ruhama ka njoftuar se shumë prej vajzave kanë qenë vetëm 18-vjeçe kur janë trafikuar në Irlandë dhe më pas janë detyruar të prostiuojnë.
Përveç shqiptareve, vajzat e tjera janë me kombësi bullgare, portugeze, pakistaneze dhe nga 6 vende afrikane.
Organizata njofton se ka ndihmuar 304 vajza të tjera nga vende të ndryshme të botës, gjatë dy viteve të fundit.
