Shpërthimi me tritol në orët e para të mëngjesit të sotëm në Durrës ka ndodhur në biznesin e reperit Rigels Rajku i njohur me emrin e artit si Noizy.
Shpërthimi ka ndodhur në dyqanin e rrobave në emër të babait të reperit, ndërsa afër ndodhet edhe një biznes tjetër.
Abc mëson se është hedhur një sasi e vogël lënde plasëse, ndërsa dëmet e shkaktuara janë të shumta. Shpërthimi me tritol vjen pas një sherri para dy ditesh me reperin tjetër Kleviol Ahmeti, të cilin Noizy shfaqej në një video duke e qëlluar me grushte reperin Cllevio, para lokalit të tij.
Lidhur me ngjarjen, policia procedoi penalisht për dhunë Noyzin, si dhe babanë e tij për fyerje. Pikërisht mbi kjo është pista kryesore e hetimeve, pasi dyshohet se shpërthimi me tritol të ketë ardhur në shenjë hakmarrje. Policia po i merr në pyetje të dy reperët. Ndërkaq janë sekuestruar edhe kamerat e sigurisë afër vendit të ngjarjes.
/e.d
