Policia ka arrestuar një person pas shpërthimit të transformatorit elektrik dje në autostradë në një objekt, ku humbi jetën një punëtor, ndërsa dy të tjerë u plagosën.
“Nga shërbimet e Komisariatit nr. 6 arrestua në flagrancë shtetasi R. D., 36 vjeç, banues në Tiranë, për veprën penale “Shkelja e rregullave të mbrojtjes në punë”, pasi ditën e djeshme në firmën ku ky shtetas ishte punonjës, si pasojë e shpërthimit të një transformatori elektrik gjeti vdekjen person dhe u plagosën dhe dy të tjerë” njofton policia.
Ngjarja ndodhi dje në autostradën Tiranë-Durrës, ndërsa viktima është punëtori Gjergji Sula, në gjendje të rëndë në QSUT janë Fari Çollaku dhe Andi Bojni 22 vjeç.
/a.r
