Një 27-vjeçar ka humbur jetën ditën e sotme në Cërrik, pasi i ka shpërthyer në dorë një sasi lënde plasëse. Viktima është identifikuar si Erion Rexhepi, ndërsa ngjarja u regjistrua rreth orës 12: 30 në vendin e quajtur kryqëzimi i Fermës.
Sipas policisë, ngjarja ka qenë aksidentale, teksa nuk bëhet me dije lloji i lëndës plasëse që i riu kishte në dorë.
Rrethanat e kësaj ngjarje janë ende të paqarta, teksa policia ka shkuar në vendngjarje dhe ka nisur hetimet.
“Më datë 30.12.2021, rreth orës 12:15, në aksin rrugor Elbasan-Belsh, në vendin e quajtur “Kryqëzimi i lagjes nr. 3”, Cërrik, në rrugë, dyshohet se aksidentalisht, shtetasit Erion Rexhepi., 27 vjeç, banues në Cërrik, i ka shpërthyer një sasi lëndë plasëse në dorë dhe për pasojë ka humbur jetën.
Në vendngjarje ka mbërritur grupi hetimor dhe nën drejtimin e Prokurorisë po vijon puna për sqarimin e rrethanave të ngjarjes“, bën me dije policia.
g.kosovari
