Në Youtube po qarkullon një video e tre viteve më parë, për një incident të ndodhur në Pragë misi Madeleine Albright dhe një grupi serbësh. Ish-Sekretarja e Shtetit të SHBA është konfrontuar verbalisht me disa serbë, të cilët i kanë ndërprerë promovimin e librit të saj “Dimri i Pragës”.
Serbët e kanë quajtur atë fashiste duke e urryer për punën që ajo ka bërë në çlirimin e Kosovës dhe bombardimin e Serbisë, shkruan portali “Theatlantic”.
Grupi serb “Miqtë e serbëve në Kosovë” kanë hyrë në bibliotekë dhe kanë nisur të gjuajnë pamflete dhe fjalë në drejtim të ish-Sekretares së Shtetit në kohën e bombardimeve të NATO-s në Kosovë.
Mirëpo ashtu siç e njohin të gjithë, Albright nuk ka duruar shumë. Ajo është ngritur në këmbë duke bërtitur: “Dilni jashtë! Dilni jashtë! Ju jeni kriminelë lufte. Serbë të neveritshëm”.
