Dhjetëra mijëra persona janë evakuuar pas një shpërthimi masiv dhe zjarrit që ra në një depo municionesh ushtarake në Ukrainën qendrore.
Shërbimet emergjente të Ukrainës thanë se shpërthimi ndodhi në një bazë ushtarake pranë Kalynivkas në rajonin Vynnytsya, 270 km në perëndim të kryeqytetit Kiev.
Sipas raportimeve, më shumë se 30 000 persona janë evakuuar nga zona. Po ashtu është ndërprerë furnizimi me elektricitet dhe me gaz.
“The Independent” raporton se deri më tani një person është njoftuar i plagosur.
Kryeministri i Ukrainës, Volodymyr Groysman, i cili mbërriti në vendngjarje disa orë më vonë tha se “faktorë të jashtëm” ishin pas shpërthimit.
Megjithatë, ai tha se shkaku i rënies së zjarrit po hetohej.
Ukraina prej vitesh po lufton me separatistët e mbështetur nga Rusia në lindje të vendit.
a.ç
