Një automjet tip “Fiat” në Lushnje është djegur pjesërisht pasi dyshohet se ka shpërthyer me lëndë plasëse. Ngjarja ka ndodhur në lagjen “18 Tetori” gjatë natës rreth orës 03:10.
Policia thotë se automjeti është në pronësi të 44-vjeçarit me iniciale A.A., i cili e kishte parkuar mjetin pranë banesës së tij. Makina ka pësuar djegie në pjesën e përparme si pasojë e shpërthimit me eksploziv.
Nga shpërthimi është dëmtuar edhe një automjet tjetër tip “BMW” që ndodhej i parkuar pranë “Fiatit”.
Nga kjo ngjarje nuk ka persona të lënduar, ndërsa policia ka nisur hetimet për zbardhur shkaqet.
a.ç
