Një automjet ka shpërthyer me eksploziv gjatë natës në fshatin Kaninë të Vlorës. Policia deklaron se lënda plasëse ishte vendosur në automjetin tip “Mercedes-Benz” në pronësi të qytetarit me iniciale I.Y.
Në momentin e ngjarjes, makina ka qenë e parkuar pranë banesës dhe është dëmtuar tërësisht. Nga shpërthimi fatmirësisht nuk ka persona të lënduar.
Policia e Vlorës ka nisur hetimet për të zbardhur motivet e ngjarjes dhe për të identifikuar autorin e vendosjes së lëndës eksplozive.
Informacion paraprak
Më datë 02.02.2018, në fshatin Kaninë është konstatuar se gjatë natës është dëmtuar me lëndë shpërthyese mjeti tip “Benz”, në pronësi të shtetasit I.Y.
Mjeti ka qenë i parkuar pranë banesës së shtetasit I.Y, dhe është dëmtuar pothuajse plotësisht.
Grupi hetimor po punon për zbardhjen e plotë të rrethanave të ngjarjes dhe për identifikimin e kapjen e autorit/ëve.
a.ç
