Banorët e fshatit Xibrakë kanë bërë të ditur për mediat gjatë ditës së sotme se një shpërthim i fuqishëm ka ndodhur pranë lumit Shkumbin.
Sipas tyre, ushtria po kryen demontime prej kohësh buzë lumit, ndërsa këtë herë shpërthimi ka pasur edhe pasoja në dëme materiale. Banorët shprehen se nga ky shpërthim janë thyer xhamat e disa shtëpive në Xibrakë si dhe janë dëmtuar objekte të tjera.
Ushtria dyshohet se po kryen demontimin e municioneve pranë Shkumbinit, ndërkohë që Policia ka konfirmuar se bëhet fjalë për një poligon demontimi.
Foto ilustruese
