Një sasi lëndë plasëse ka shpërthyer në një automjet në Krujë. Ngjarja ka ndodhur mbrëmjen e të premtes. Mësohet se lënda plasëse artizanale, është vendosur në automjetin tip “Renault” në pronësi të Armando Çenja, 24 vjeç, nga Fushë- Kruja.
Si pasojë e shpërthimit ka pasur vetëm dëme materiale. Hetimet janë fokusuar në disa pista, lidhur me problematikat e personit të dëmtuar, si dhe për mundësinë e një akti të inskenuar.
