Burgu i Shënkollit është përfshirë nga flakët e zjarrit si pasojë e shpërthimit të një bombole gazi duke lënë për pasojë 1 të vdekur.
Sipas raportimeve paraprake, bëhet me dije se një prej të burgosurve ka humbur jetën ndërkohë një person tjetër ka mbetur i plagosur rëndë.
Shpërthimi ka ndodhur rreth orës 16.00 në katin e dytë të paraburgimit në Shënkoll.
Drejt vendngjarjes u nisën forcat e shërbimit zjarrfikës dhe personel shtesë sigurie, pasi të burgosurit u nxorrën në oborr. Po ashtu, disa prej të burgosurve dhe punonjësve të sigurisë u është dhënë ndihmë mjekësore pasi kanë probleme me asfiksinë. Raportohet se flakët u vunë nën kontroll./a.m.
Njoftimi paraprak i policisë:
Shënkoll -Lezhë
Informacion paraprak
Më datë 30.07.2016 është njoftuar se në Burgun e Shënkollit në Lezhë ka rënë zjarr.
Menjëherë në vendngjarje kanë mbërritur forcat policore dhe zjarrëfiksja që po bëjnë të mundur shuarjen e zjarrit dhe menaxhimin e situates.
Forcat policore Lezhë dhe në bashkëpunim me FNSH kanë marrë në ruajtje perimetrin e jashtëm të Burgut të Shënkollit.
Nga raportimet e para dyshohet 1 shtetas të vdekur .
Si dhe 2 shtetas të tjere janë dëmtuar të cilët janë dërguar në spitalin e Lezhës për ndihmen e nevojshme mjekësore.
Po kryhen veprimet hetimore për shkakun e zjarrit si dhe zbardhjen e plotë të situates në bashkëpunim me Prokurorin e Rrethit .
