Deputeti socialist Ben Blushi ka shpërthyer në akuza ndaj Kryeministrit Rama duke e quajtur atë një njeri të paaftë që të vetmen detyrë që ka bërë, ka qenë lyerja me bojë e gërmadhës që ka lënë ish kryeministri Berisha. Blushi ka akuzuar po ashtu edhe Berishën duke e quajtur të paaftë, teksa ka shtuar se debati i vetëm që bëhet në parlament mes kryetarit të “Rilindjes”(Rama) dhe kryetarit të “Lindjes” (Berisha), është se kur ka qenë Shqipëria më shumë e papunësuar… në kohën e njërit apo në kohën e tjetrit.
Blushi deklaroi se në këtë parlament nuk mbrohet interesi publik, duke dhënë shembullin e vdekjes së dy fëmijëve në autostradën durrës fier.
“Ka një koncept të pranueshëm nga të gjithë, cfarë është interes publik… a po e mbron ky parlament interesin publik?! Për të kuptuar se cfarë është interes publik, sesi ai sabotohet, po ju jap një rast. Një grua me tre fëmijë po shkonte për të parë burrin në burg. Dy fëmijë humbën jetën. A foli njeri nga këta për këtë rast?… Pse ishin hequr ato 10 metra alumin?! Ishin hequr për ti shërbyer një karburanti privat! Kë mbronte në këtë rast qeveria? Karburantin privat! Pse përfundoi burri në burg? Sepse babai i këtyre fëmijëve, kishte ndërtyuar një cati në tokën e vet… po sa njerëz duhet të ishin në burg në këtë parlament për ndërtime pa leje?
Doni një rast tjetër?
Rasti i fundit që tregon sesi cënohet, sesi sabotohet interesi publik në shqipëri. Ka 3 ditë që shkruhet për një bandit droge në sarandë. Unë nuk e di se kujt i ka dhënë më shumë para ky njeri, por unë di që ky deri dje ka qenë në punë. E hetojmë prej 3 muajsh dhe e lënë në detyrë deri më tani.
Ky është kryeministri më i cuditshëm në këto anë ku jetojmë. Ishin disa protestues dhe shkuan të protestojnë për një stadium me majucë… i tha shkoni merni vota që të ankoheni! Nuk ka gjë më cinike se kjo!
E vetmja cilësi që ka marrë është paaftësia. Edi Rama është i poaaftë për ta qeverisur vendin. Nuk është vetëm kaq, e dëgjuat sot, 4 orë foli kryetari i rilindjes, 4 orë foli ish kryetari i lindjes…
E vetmja gjë që po bën edi rama në 3 vjet, po lyen me bojë gërmadhën e Sali berishës”- tha Blushi.“- tha Blushi.
