Janë vënë në pranga 2 qytetarë, 28-vjeçari me iniciale S.B dhe 34-vjeçari me iniciale M.S, banues në Shkodër të cilët shpërndanin kokainë nëpër lokale, në kuadër të operacionit policor të koduar “Rrethi”.
Gjatë këtij operacioni, në “Rrethin e Shëngjinit”, policia ka ndaluar automjetin tip “Volkswagen” me drejtues 28-vjeçarin dhe pasagjer 34-vjeçarin, të cilëve, gjatë kontrollit fizik iu janë gjetur dhe sekuestruar, në cilësinë e provës materiale, doza me lëndë të dyshuar narkotike kokainë.
Materialet procedurale iu referuan Prokurorisë pranë Gjykatës së Shkallës së Parë Lezhë, për veprime të mëtejshme.
/a.r
