Policia e kryeqytetit ka vënë në pranga tre të rinj, të kapur në flagrancë duke shpërndarë lëndë narkotike kanabis sativa. Në kuadër të operacionit të koduar “Liceu”, në orët e para pas mesnatës së kaluar u vunë në pranga Redi Gjuzi, 25 vjeç, banues në Tiranë, Elvis Alliu, 26 vjeç, banues në Tiranë dhe Kristi Xhaferri, 21 vjeç, banues në Tiranë.
Siç raporton policia tre të rinjtë prej një periudhe disa mujore në bashkëpunim me njëri-tjetrin shpërndanin kanabis sativa në zonën e Rrugës së Elbasanit. Në cilësinë e provës materiale nga ana e uniformave blu u sekuestruan 34 doza kanabis sativa, gjithsej 32 gramë dhe 100 qese farmaceutike ambalazhi. Ndalimi i tyre u bë pasi mbaheshin në vëzhgim prej disa kohësh, për shkak të aktivitetit të tyre të dyshimtë.
