Kryetari i Prishtinës, Shpend Ahmeti, ka thënë se i kujtohet pak Ministri aktual i Bujqësisë, Nenad Rekalo, i cili është vënë në shënjestër të disa mediave dhe të disa banorëve të Prishtinës me pretendime se ka marrë pjesë në tortura të shqiptarëve gjatë luftës.
Kryetari i Prishtinës ka thënë se me Nenad Rikalon është takuar një herë në tre muaj sa ishin bashkë me te në Bordin e Fondacionit për Shoqëri të Hapur.
Ka thënë se në atë bord ishin edhe Ilir Deda, Muhamet Mustafa e Blerim Shala. “S’kam punë unë me të. Unë kam qenë në Bord për Fondin për Shoqëri të Hapur. I zgjedhur nga Fondacioni Soros në New York. Aty ka qenë me sa e di edhe Blerim Shala, Muhamet Mustafa, Ilir Deda Kemi pas takime njëherë në tre muaj në bord dhe gjithë ka pas një përfaqësues të minoriteteve.
Më kujtohet pak, e ka pas një OJQ, Shoqëri Civile”, ka thënë Ahmeti, në një deklaratë për Indeksonline. Nenad Rikalo, ish-anëtar i KQZ’së dhe i shoqërisë civile, ka reaguar ndaj pretendimeve për krime lufte. Ka thënë se nuk i ka bërë keq asnjë shqiptari.
Madje, kishte treguar se ka bashkëpunuar me shumë udhëheqës partiake e shtetërorë të Kosovës pas përfundimit të luftës.
Ka përmendur se njëri ndër bashkëpunëtorë ishte edhe Shpend Ahmeti e Albin Kurtin me të cilin kishin themeluar një OJQ pasluftë “4 vjet kam qenë anëtar i Bordit në Fondacionin Soros së bashku me Shpend Ahmetin dhe Ilir Dedën dhe me intelektualë të tjerë të shquar nga Prishtina. Në vitin 2003 së bashku me Albin Kurtin kam marrë pjesë në themelimin e KAN-it”, shpjegoi Rikalo. (b.an)
