Një aksident me pasojë vdekjen e një shqiptari ka ndodhur në Greqi.
Aksidenti mësohet se ka ndodhur herët në mëngjes, këtë të dielë, rreth orës 02:30, në kryqëzimin e Sarakina në Trikala.
Si pasojë e aksidentit një shqiptar i moshës 40-vjeçare ka humbur jetën.
Automjeti me të cilin udhëtonte shqiptari u përplas me një shtyllë ndriçimi, duke u shkatërruar plotësisht.
Shkak dyshohet qe ka qenë shpejtësia e lartë e mjetit.
“Makina u kthye në një grumbull hekurishtesh”, shkruanin mediat greke pas aksidentit.
Në vendin e ngjarjes shkuan forcat e policisë, ambulanca dhe zjarrfikëses.
Këta të fundit, nxorën nga automjeti një të plagosur, i cili mësohet se është një tjetër shqiptar, shok me viktimën dhe që u transportua në spital.
