Një i ri nga Shkodra është denoncuar nga ish e dashura, pasi e kërcënonte se di t’i publikonte fotot intime në rrjetet sociale.
Burime zyrtare për Gazetën Express kanë bërë të ditur se vajza me iniciale, SH.D., banuese në Shkodër është paraqitur në rajonin e policisë dy ditë më parë dhe ka bërë kallëzim, se E.H., me të cilin ka pasur një lidhje intime, e ka kanosur se do publikoj në rrjete sociale foto që kanë bërë bashkë.
Policia me të marrë denoncimin e ka shpallur në kërkim dhe po punohet për arrestimin e tij.
Materialet për këtë rast u referuan në Prokurorinë e Rrethit Gjyqësor Shkodër për veprën penale “ndërhyrja në të dhënat kompjuterike”.
