Një nënë është është shpallur në kërkim nga policia, pasi ka braktisur fëmijën e saj 3 vjeç. S.Z 25 vjeç, banuese në Berat, është shpallur në kërkim pas denoncimit të bërë në polici nga bashkëshorti i saj H.Z. Ky i fundit ka kallëzuar rastin në polici, duke thënë se bashkëshortja e tij ishte larguar në drejtim të paditur, duke braktisur fëmijën e tyre të mitur.
Materialet i kaluan Prokurorisë së Rrethit Gjyqësor Berat, për veprën penale “braktisja e fëmijëve të mitur”.
Ndërkohë problemet në familjet shqiptare duket se nuk kanë të sosur. Po në qytetin e Beratit janë denoncuar raste dhune në familje.
Th.B, 20 vjeç, banues në Berat, ka bërë një kërkesë padi për urdhër mbrojtje, pasi babai i tij A.B, 46 vjeç, ka ushtruar dhunë fizike dhe psikologjike ndaj tij, shkruan dita.
Gjithashtu një tjetër rast dhune është shënuar në Skrapar, ku ka filluar procedimi penal në gjendje të lirë për K.M, 59 vjeçe, E.M, 17 vjeçe, të dyja banuese në Skrapar, pasi kanë ushtruar dhunë fizike e psikologjike ndaj shtetases M.M, 35 vjeçe, banuese në Skrapar, ndaj të cilës u plotësua kërkes-padia për lëshimin e urdhërit të mbrojtjes së menjëhershëm.
Materialet i kaluan Prokurorisë së Rrethit Gjyqësor Berat, për veprën penale “Dhuna në familje”.
