Çmimi “Gruaja e vitit 2015” në politikë, është fituar nga demokratja Grida Duma, Kordinatorja për Marëdhëniet me Publikun në PD. Grida Duma mori 1743 vota ose 39 % të 4431 votave të dhëna për gratë në politikë.
Koalicioni për Gratë dhe të Rinjtë në Politikë në bashkëpunim me Shtëpia e të Drejtave të Njeriut/CRCA Shqipëri dhe me mbështetjen e Olof Palme International Center, bëri sot publike fitueset e Vlerësimit Kombëtar “Gruaja e Vitit 2015″ në Shqipëri.
Çmimi Gruaja e Vitit në kategorinë Media shkoi për Eni Çobanin, Ndërmjetëse – Drejtuese e rubrikës ‘Shihemi në gjyq’ në Televizionin Klan, në programin “E Diela Shqiptare”, (697 vota, ose 23 % e 3002 votave të dhëna për gratë në media).
Çmimi Gruaja e Vitit në kategorinë Shoqëri Civile, shkoi për Flutura Xhabijen, Drejtuese e Shoqatës Kombëtare të Grave Profesioniste, Afariste dhe Zejtare ( 753 vota, ose 24 % e 3059 votave të dhëna për gratë në shoqëri civile).