Kombëtarja shqiptare do të ndeshet me Francën në kampionatin evropian që zhvillohet vitin e ardhshëm në këtë vend. Kuqezinjtë do të jenë pjesë e grupit A, ku bëjnë pjesë edhe pritësit e kompeticionit, kombëtarja franceze e përbërë nga disa yje të futbollit botëror. Shumë shqiptar ëndërronin një përballje me “gjelat” e Francës të cilët edhe pse kanë një ekip yjesh, u mundën në ndeshjeb miqësore para pak muajsh përballë Shqipërisë.
Përballë Shqipërisë do të jetë edhe kombëtarja e Zvicrës, e cila në boshtin kryesor ka lojtarë shqiptar si Shaqiri, Xhaka, Behrami, Mehmedi etj.
Një përballje mjaft emocionuese do të jetë ajo midis dy kombëtareve.
Në të njëjtin grup me Shqipërinë dhe Francën do të jetë edhe Rumania.
Mund të cilësohet një grup mjaft i vështirë për kuqezinjtë, por aspak i pakalueshëm.
Ndeshja hapëse e evropianit do të jetë ajo midis Francës dhe Rumanisë.
Ja si janë ndarë në grupe 24 ekipet pjesëmarrëse
Grupi A: Franca, Rumania, Shqipëria, Zvicra
Grupi B: Anglia, Uellsi, Sllovakia, Rusia
Grupi C: Gjermania, Polonia, Irlanda Veriore, Ukraina
Grupi D: Spanja, Turqia, Republika e Çekisë, Kroacia
Grupi E: Belgjika, Republika e Irlandës, Suedia, Italia
Grupi F: Portugalia, Islanda, Hungaria, Austria
****
Ka nisur në Pallatin e Kongreseve në Paris ceremonia për hedhjen e shortit për evropianin “Francë 2016”.
Shqipëria pritet të mësojë kundërshtarët që do të ketë në grup.
Ekipi ynë kombëtar ndodhet në vazon e 4-t.