Biznesmeni i njohur Nikollaq Neranxi është shoqëruar nga forcat e policisë pas një konlikti me disa efektivë. Shkak i konfliktit kanë qenë disa gjoba të vendosura për automjetet e kompanisë së biznesmenit. Ngjarja ka ndodhur këtë pasdite në Tiranë.
Një efektiv i rrugores po i vendoste gjoba disa automjeteve në pronësi të Neranxit, që kishin parkuar në mënyrë të gabuar në rrugën dytësore të autostradës Tiranë Durrës. Në atë moment efektivi është sharë dhe ofenduar nga vetë biznesmeni.
Ai nuk ka pranuar gjobat dhe është konliktuar me policët, gjë që ka sjellë dhe shoqërimin e tij.
Sakaq, ai ka shtuar se, ka kërkuar që të shkojë vetë në polici, ndonëse është ndjerë keq, pasi shoqërimi është bërë në prani të ambasadores së Kinës, e cila ka qenë e pranishme në momentin e ngjarjes.
“Nuk kam ofenduar asnjë punonjës policie, kam kërkuar vetë të shkojë në polici pas përfundimit të panairit. Policia më tha se do të shoqërohej me urdhër. Më erdhi keq pasi gjatë shoqërimit ishte dhe ambasadorja e Kinës, vend me të cilin kompania ime ka bashkëpunim” tha ai.
Momentet qe policia do ta arrestoje Neranxin by gazeta-panorama
