Qytetarë dhe përfaqësues të shoqërisë civile protestuan sot përpara parlamentit gjatë kohës kur po zhvillohej seanca për Vettingun.
Me pankarta në duar që mbanin mbishkrimet ‘’Jo nenit 449’’, ‘’krimi nuk falet’’, ‘’Nuk do t’i shpëtoni drejtësisë së vërtetë’’, ata kërkuan shfuqizimin e nenit 449 të Kodit të Proçedurës Penale, i cili u miratua nga kuvendi me 30 mars.
Protestuesit shprehen se neni 449 amniston të gjitha vendimet e dhëna nga gjykatat e korruptuara si për qytetarët ashtu edhe për politikanët.
Ky variant i miratuar parashikon që nuk lejohet rishikimi i vendimit të pafajësisë dhe as rishikimi i vendimit të dënimit kur synohet rëndimi i pozitës së të dënuarit. Me 9 prill qytetarët i kanë dorëzuar edhe Presidentit kërkesën për mosdekretim si dhe kanë hartuar një peticion online për mosmiratimin e nenit 449.
Ata janë shprehur se do të vazhdojnë protestat deri sa ky ligj të shfuqizohet./shqiptarja
c.a
