Një i ri ka mbetur i plagosur si pasojë e një aksidenti të ndodhur në rrugën Vlorë-Kuç në afërsi të fshatit Sherishtë.
Sipas policisë, 25-vjeçari ishte duke drejtuar makinën tip “Fiat” por ka humbur kontrollin dhe për pasojë ka përfunduar jashtë rrugës.
I plagosuri është transportuar në spital dhe ndodhet nën kujdesin e mjekëve.
Vlorë/Informacion paraprak
Rreth orës 18:20, në aksin rrugor Vlorë-Kuç, në afërsi të fshatit Sherishtë, shtetasi E. M., rreth 25 vjeç, duke drejtuar automjetin tip “Fiat”, dyshohet se ka humbur kontrollin dhe si pasojë ka dalë nga rruga. 25-vjeçari ndodhet në spitalin e Vlorës, nën kujdesin e mjekëve.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit./m.j
