Dhëndëri i ish kryeministrit Sali Berisha, Jamarbër Malltezi, duket se e ka gjetur zgjidhjen për të pasur më shumë shqiptarë që e pëlqejnë.
Drejtuesi i Departamentit për Mbrojtjen e Mjedisit në Partinë Demokratike, duke parë interesin e ulët të qytetarëve për të ndjekur aktivitetin e tij politik, ka zgjedhur që të përdorë llogarinë e Facebook të një ish konkurenti të Big Brother Albania.
Pasi ka marrë faqen e ish-konkurentit “Kristi”, ai i ka ndryshuar emrin nga “Kristi Big Brother Albania 8” në Jamarbër Malltezi, shkruan gazeta “TemA”.
Duke përdorur këtë “truk”, njerëzit që pëlqenin Kristin zgjohen në mëngjes duke pëlqyer Jamarbrin.
Është e çuditshme, pasi nëse dikush pretendon se ka mbështetjen e shqiptarëve dhe synon hyrjen në parlmanet, atëhere përse do të ishte e nevojshme që edhe 2,950 like në Facebook t’i ketë të manipuluara?
