Një tragjedi është shmangur ditën e sotme në bregdetin e Divjakës, ku janë shpëtuar 3 të mitur pasi rrezikuan të mbyteshin në det.
Bashkëpunimi i policisë, rojave bregdetare, disa pushuesve dhe bluzave të bardha shmangu një tragjedi në bregdetin shqiptar. Sipas njoftimit, 3 të miturit janë në moshën 12, 13 dhe 17 vjeç, banues në fshatin Tërbuf të Divjakës.
Pas ndërhyrjes në kohë, ata ndodhet në spitalin e Lushnjes jashtë rrezikut për jetën nën mbikëqyrjen e mjekëve.
Njoftimi i Policisë:
Divjakë
Policia, rojat e kullave, disa pushues dhe bluzat e bardha shpëtojnë 3 shtetas të mitur nga mbytja në det.
Efektivët e Komisariatit të Policisë Divjakë, të cilët patrullojnë përgjatë vijës bregdetare në Plazhin e Divjakës, në bashkëpunim me rojët e kullave të stacionuar në bregdet dhe disa pushues të tjerë që ndodheshin aty, pasditen e sotme kanë shpëtuar nga mbytja 3 shtetas të mitur të moshës 12, 13 dhe 17 vjeç, banues në fshatin Tërbuf, Divjakë.
Shtetasit e mitur aktualisht ndodhen në spitalin e Lushnjës, jashtë rrezikut për jetën, nën mbikëqyrjen e mjekëve.
Policia e Divjakës duke patrulluar përgjatë gjithë vijës bregdetare është e angazhuar në shërbim të pushuesve të cilët janë të lutur të telefonojë në numrin 112 për çdo problem duke u garantuar një reagim të shpejtë dhe profesional.
/e.rr
