Moti i keq që kaploi Shkupin me rrethinat në ditën e djeshme ka marrë jetën e më shumë se 20 personave, kanë konfirmuar nga Ministria e Punëve të Brendshme të Maqedonisë për TV Nova.
Alsat M raporton se viktimat janë nga Haraçina, Singeliqi dhe Stajkovci, që janë vendet më të goditura nga moti i lig, që ka mbretëruar mbrëmë.
Këshilli i Qytetit të Shkupit sot në orën 14 do të mbajë seancë të jashtëzakonshme në të cilën do të shqyrtohet informacioni lidhur me motin e ligë që dje e goditi qytetin e Shkupit dhe rrethinën e tij.
20 të vdekur deri më tani në Hasanbeg, kurse numri vazhdon të rritet. Siç raporton gazetari i portalit TetovaSot nga Hasnabegu familjet të trishtuara dhe shumë lot vazhdojnë për të gjetur të afërmit. Siç mësoi portali TetovaSot nga 20 të vdekur 10 për momentin janë shqiptarë, ku siç rrëfeu banori i Hanbegut kanë përjetuar tmerr njësoj sikur ka ngjare Cunami.
Nga reshjet, janë shkaktuar edhe dëme të mëdha materiale, ndërsa shumë banorë kanë mbetur të bllokuar nëpër fshatra. Policia zyrtarisht ende nuk e ka konfirmuar numrin e saktë, raporton Reuters. Veturat kanë mbetur nën ujë dhe rrethrrotullimi përreth Shkupit është dëmtuar jashtë mase nga vërshimet, ndërsa disa paralagje të qytetit janë goditur fuqishëm, transmeton Koha.net.
Shiu është ndërprerë të dielën në mëngjes, por parashikimet sinoptike thonë se shi do të ketë edhe në mbrëmjen e sotme. “Është shumë gjendje e rëndë, kemi disa viktima”, ka thënë zyrtari policor. (b.an)