Dy ndërtues të njohur, Jamarbër Malltezi dhe Ndriçim Babasi, u shfaqen sëbashku kundër ndërtimin të këndit të lojërave te Liqeni Artificial.
Dhëndrri i ish-kryeministrit Berisha, i cili ka firmosur dhe miratuar planet për ndërtime të ndryshme në kryeqytet, sot është shfaqur si ambientalist. Malltezi është i njohur për hartimin e Vlerësimit të Ndikimit në Mjedis për Planin e Përgjithshëm Vendor të vitit 2013 ku parashikoheshin dhjetëra ndërtime dhe pallate.
Nga ana tjetër Ndriçim Babasi, ish – deputet i Partisë Demokratike, ndërtues dhe sipërmarrës privat është një tjetër person që është sensibilizuar kundër ndërtimit të këndit të lojërave te Liqeni. Pasi zaptoi hapësirat publike te stadiumi “Dinamo” dhe i përdorte si biznes shitjesh makinash, tani shfaqet kundër ndërtimit të këndit të lojërave për fëmijët.
Kur vjen puna për hapësira publike, të parët që shfaqen nga Partia Demokratike janë ndërtuesit.
