Pavarësisht se reshjet janë drejt largimit, rreziku për përmbytje mbetet i lartë në vend. Sipas Institutit të Gjeoshkencave, Energjisë, Ujit dhe Mjedisit sot pasdite dhe nesër priten reshje mesatare në shumicën e qarqeve, përjashtuar qarqet Berat dhe Fier, ku do të jenë të dobëta. Reshjet do të bien kryesisht gjatë pjesës së dytë të ditës së nesërme.
Pritet prania e reshjeve në formë dëbore në 1100 m mbi nivelin e detit, kryesisht në veri dhe veri-lindje të vendit. Sa i përket temperaturave ditën e hënë do të jenë:
në bregdet: 11 / 16 °C
në vendet e ulëta: 9 / 16 °C
në vendet malore: 3 / 10 °C.
Nga llogaritjet hidrologjike të IGJEUM-it, rezulton se lumenjtë do të kenë prurje në rritje në të gjithë territorin. Kjo për shkak të kombinimit të shkrirjes së dëborës si pasojë e rritjes së temperaturave dhe reshjeve të pritshme.
Baseni Drin-Buna dhe Liqeni i Shkodrës do të kenë rritje të prurjeve dhe niveleve. Vlerësimi për rrezikun në këtë basen do të llogaritet në bazë të shkarkimeve nga kaskada e Lumit Drin
