Komisioni hetimor për hetimin e dosjes së privatizimit të OSSH nga kompania CEZ duket se ka hapur “folen e grerëzave”, ku rezultojnë afera miliona euro që kanë përfunduar nëpër xhepat e zyrtarëve më të lartë të shtetit. Në një dokument të komisionit hetimor evidentohen prova të rëndesishme, lidhur me Nuel (Nue) Kalaj, i cili sipas dëshmive të deritanishme rezulton se ka qene “sekseri” i martesës së qeverisë shqiptare të asaj kohe të drejtuar nga Sali Berisha me kompanine CEZ. Komisioni hetimor ka administruar nga një bankë e nivelit të dytë disa llogari bankare të Nue Kalaj, i cili ka marrë nga CEZ transferta bankare disa milionë euro. Në këtë document lakohet edhe i biri i ish kryeministrit, Berisha.
“Këto shuma më pas i ka tërhequr cash me 16 qershor 2009, vetëm pak dite para zgjedhjeve të vitit 2009. Gjithashtu, Komisioni ka kërkuar informacione shtese nga banka, por edhe nga banka të tjera, pse CEZ i ka bërë këto transferta tek ky individ dhe ku i ka çuar paratë cash Nue Kalaj”, thuhet në një deklarim shkresor të kreut të këtij komisioni, Taulant Balla.
Po sipas këtij të fundit, për Nuel (Nue) Kalaj në dëshminë e dëshmitarit Romeo Karra në Komisionin Hetimor, rezulton të ketë qenë edhe ndërmjetësi i kontakteve dhe bisedave ndërmjet Qeverisë shqiptare dhe kompanisë CEZ.
“Sot po publikojmë një ndër shumë provat e pakontestueshme, e cila dëshmon qartë rolin që ka luajtur Neul Kalaj. Ai ka qenë i lidhur me të birin e Kryeministrit të asaj kohe Sali Berishës. Kjo kuptohet qartë në këtë e-mail ku drejtori cek ne Shqiperi, Josef Hejsek i thotë n/drejtorit të CEZ-IT në Pragë, Tomas Pleskac, se do ta priste bashku me Nuelin në aeroport në sallonin VIP. Hejseku thotë gjithashtu se sipas Nuelit, takimi me të birin do ta shtyjmë për nesër, pas ardhjes së Kryeministrit. Pra kuptohet që Tomas Pleskac (n/drejtori i CEZ-it në Pragë) së bashku me Hejsekun dhe të tjerë janë takuar me Kryeministrin dhe pastaj me te birin e tij. Sot nuk po bej asnje pyetje. Pyetjet do t’i behen ne komsion hetimor dhe me pas. Hetimi parlamentar vazhdon”, thuhet në shkresën e publikuar nga komisioni hetimor.
Me. Ar
