Linja e re e furnizimit me ujë të pijshëm në zonën e Shkozës do të ofrojë më shumë cilësi për banorët e zonës.
Ndërmarrja e Ujësjellës Kanalizimeve Tiranë, ka zëvendësuar sot rrjetin e vjetër të ujësjellësit në rrugën “Ali Shefqeti” në Shkozë me rrjetin e ri, që do të bëjë furnizimin me ujë të të gjithë banorëve të zonës sipas parametrave dhe cilësisë së duhur.
Ekipet e UKT kanë punuar me ritme të shpejta për sistemimin e rrjetit të ri të ujit të pijshëm në këtë zonë, duke plotësuar kështu kërkesat e konsumatorit.
“Një investim i ri në rrjetin e ujësjellësit po merr jetë në rrugën “Ali Shefqeti”. Po përmirësojmë furnizimin me ujë në zonën e Shkozës, duke bërë të mundur zëvendësimin e linjës së vjetër të ujësjellësit. Linja e re e ndërtuar do të bëjë të mundur furnizimin me ujë të qytetarëve me të gjitha parametrat dhe cilësinë e duhur për ta përdorur atë. Në foto, ekipet tona gjatë ndërtimit të rrjetit të ri. Jemi gjithnjë të gatshëm për të plotësuar kërkesat e konsumatorëve. UKT vazhdon planin për të kryer investime dhe ndërhyrje në çdo zonë të kryeqytetit”, thuhet në njoftimin e UKT.
Për të garantuar cilësinë e ujit të pijshëm dhe furnizimin 24 orë për qytetarët, UKT ka kryer disa investime në shumë lagje të kryeqytetit. /b.d
