ITALI- Në Genova ekipet e shpëtimit vazhdojnë luftën me rrënojat për gjetjen e të mbijetuarve. Shpresat nuk janë shuar ende. Numri i viktimave ka shkuar në 39, e mes tyre 3 janë fëmijë, raporton TgCom.
Gusht zie në Genova, pas rënies së urës Morandi në autostradën A10. Sipas burimeve nga Ministria e Brendshme, një djalë 8-vjeçar dhe dy adoleshentë të moshës 12 dhe 13-vjeçare. Ndërkohë, në vendin e tragjedisë, vazhdojnë të gërmojnë në rrënoja në kërkim të ndonjë të zhdukuri.
Zjarrfikësit punuan gjithë natën për nxjerrjen e trupave të tjerë nga rrënojat e rrugës së shembur.
Mes viktimave, 5 nuk janë identifikuar
Numri i viktimave nga shembja e urës Morandi në Genova është ende në rritje: sipas asaj që u njoftua nga Ministria e Brendshme janë 5 viktima të paidentifikuara, shkruan TgCom24. Janë 16 njerëz të plagosur, mes të cilëve 12 më rëndë.
Hetime për tragjedi e qëllimshme
“Nuk ishte një fatalitet, por një gabim njerëzor” që shkaktoi shembjen e urës. Kështu shprehet prokurori kryesor i Genoa, Francesco Cozzi ne nje deklarate per mediat, pasi inspektimit te bere ne zone, ne kuader te hetimeve.
Prokuroria ka hapur tashme një dosje për tragjedi te qellimshme dhe vrasje të shumëfishta.
a.ç
