Një djalë i ri i cili kishte pësuar një aksident dy ditë më parë dhe ishte shtruar në spital ka rezultuar i infektuar me COVID-19.
Dy ditë më parë ai pësoi aksident dhe u dërgua në gjendje të rëndë në spital.
Pasi mjekët i bënë skanerin, u dyshua se ai ishte i infektuar me koronavirus, ndaj i është bërë tamponi, ku ka rezultuar pozitiv.
Tamponi i është marrë edhe shokut të tij dhe tre mjekëve, por fatmirësisht rezultuan negative.
Megjithatë, ata janë vetëkarantinuar në shtëpi për 14 ditë. Ndërkohë i riu është dërguar në Urgjencën e Spitalit Infektiv në Tiranë, ku mësohet se është në gjendje të stabilizuar. /e.s/
