Strukturat e verifikim matjes dhe të Task Forcës në OSHEE Shkodër, vijojnë të ushtrojnë kontrolle të vazhdueshme tek abonentët debitorë, të cilët pas ndërprerjes së energjisë, e rilidhin në kundërshtim të plotë me ligjin.
Janë 14 abonentë të proceduar penalisht tek organet e hetimit dhe krimit ekonomik, për vjedhje të energjisë elektrike dhe mos respektim te kontratës me OSHEE.
Shtetasit e shoqëruar në Polici, janë Isa B, Tom D, Brahim P, Rebani T Agron L, Paulin D, Zain A, Mark P, Memli L, Arben Sh, Gjon U, Fatbardha M, Ndue V dhe Preg M.
Mes tyre ka edhe abonentë privatë, ndaj të cilëve u morën masat e nevojshme ligjore. Këta abonentë, janë kryesisht nga rrethi i Shkodrës.
OSHEE apelon abonentët debitorë, pa asnjë dallim, te gjejnë zgjidhje ligjore duke ju drejtuar Kujdesit ndaj Klientit dhe të lidhin aktmarrëveshje me këste lehtësuese. Kjo është forma e respektimit dhe zbatimit të ligjit, dhe jo vjedhja me linja të dyta, rilidhjet apo cenimi i matësit.
