Shpërthimi i ndodhur mëngjesin e sotëm në një banesë në Shkodër ka bërë që policia të arrestojë 4 persona pjesë e një grupi kriminal akuzuar për vepra të ndryshme penale.

“Pas një hetimi intensiv të vendosjes se një sasie lënde plasëse në banesën e shtetasit “H.L”, në fshatin Pentar, rreth orës 02:30 të mëngjesit, u arrit të zbulohej dhe të dokumentohej autoresia e kësaj vepre dhe është finalizuar me sukses Operacioni Policor i Koduar “STEP BY STEP”.

Policia ka dokumentuar veprimtarinë e paligjshme të një grupi kriminal, si të dyshuar për kryerjen e këtyre veprave penale:

“Prodhimit dhe shitjes të narkotikeve”, “Trafikim të narkotikeve”, “Shkatërrimi i pronës me eksploziv” dhe “Prodhimi dhe mbajtja pa leje e armëve luftarake dhe municionit”.

Kështu janë arrestuar në flagrancë 4 shtetas dhe shpallur në kërkim një i pestë. Konkretisht në pranga ranë:

1. Vinçens Doçi, 30 vjeç, banues në Pentar – Shkodër,

2. Rajmond Kalavaçi, 30 vjeç, banues në Pentar- Shkodër,

3. Anton Gjuraj, 29 vjeç, banues në Pentar – Shkodër,

4. David Doçi, 32 vjeç, banues në Pentar – Shkodër.

Gjithashtu u bë shpallja në kërkim e shtetasit:

5. E.D, 28 vjeç, banues në Pentar – Shkodër, i dyshuar per kryerjen e veprës penale “Prodhim dhe shitje narkotikeve” dhe “Shkatërrim të pronës me eksploziv”.

Nga kontrolli në 7 banesa të të dyshuarve, janë gjetur dhe sekuestruar në cilësinë e provës materiale:

• 334.2 kg, lendë narkotike të llojit cannabis sattiva e vendosur në 17 fuci plastike e gatshme për tregtim.

• 2 armë gjahu, nga këto 1 (një) pa leje,

•një automatik model 56,

• 1 automjet autoveture e tipit BMW, me targë DJ 707 VE,

• 2 aparate celulare.

Po në vijim të hetimeve të lartpërmendura nga strukturat policore së DVP-Shkodër, është ushtruar kontroll ne zonën Mushan, të Njësisë Administrative Dajç- Shkodër ku në mbështetje të të dhënave hetimore është konstatuar një parcele me 3000 bimë narkotike cannabis sattiva dhe rezultoi se ishte kultivuar nga personat e lartpërmendur.

Vijojnë hetimet e mëtejshme në bashkëpunim me Prokurorinë e Rrethit Gjyqësor Shkodër, për evidentimin e pesonave të tjerë të implikuar në këtë hetim./panorama/a.k