Një ngjarje e rëndë ndodhi në Shkodër, ku një person mbeti i plagosur si pasojë e plumbave ka mbetur i plagosur një person.
Shtetasi i plagosur, i cili ndodhet jashtë rrezikut për jetën është Fatmir Zyla, ndërsa autori i plagosjes është Dedë Guri, i cili është arrestuar nga policia pas ngjarjes.
Guri i kishte dhënë me qira një dyqan të plagosurit. Mirëpo, Zyla nuk kishte paguar faturat e energjisë elektrike. Për këtë arsye, Guri ka shkuar të sqarohet me Zylën, por ka hasur në një pritje jo miqësore prej tij.
Dy personat janë konfliktuar fizikisht, deri sa Guri ka marrë armën e tij pistoletë dhe ka qëlluar mbi Zylën duke e lënë të plagosur. Menjëherë pas ngjarjes, ka qenë vjehrra e Zylës që ka menduar të hakmerret.
Ajo ka marrë një pistoletë tjetër dhe ka tentuar të qëllojë mbi pronarin, por i është bllokuar arma.
