Një i moshuar ka mbetur i plagosur me armë zjarri në këmbë në qytetin e Shkodrës mbrëmjen e së enjtes.
Nuk dihen ende rrethanat e ngjarjes, por mësohet se personi i plagosur është Sadik Hasniqi, 75 vjeç.
Ai ka marrë plagë në këmbë nga një pushkë sportive dhe është dërguar në Spitalin Rajonal të Shkodrës jashtë rrezikut për jetën raporton Panorama.
Ngjarja ka ndodhur në ishullin e Dajlanit, në afërsi të Lumit Buna. Polica po punon për identifikimin dhe kapjen e autorit.
