Një persona ka mbetur i plagosur në Bërdicë të Shkodrës mbrëmjen e së mërkurës duke gdhirë e enjtja.
Shtetasi me inicialet F.F. u plagos pas një konflikti për motive të dobëta në një lokal. Personat e përfshirë në konflikt kanë thyer xhamat e lokalit si dhe të dy mjeteve që ndodheshin në parking.
Njëri nga personat ka qëlluar me armë zjarri pistoletë në ajër dhe është larguar së bashku me personat e tjerë me automjetet e tyre.
Me marrjen e njoftimit për ngjarjen e ndodhur shërbimet e Komisariatit të Policisë Shkodër kanë mbërritur në vendngjarje dhe nga veprimet paraprake hetimore është bërë identifikimi dhe shpallja në kërkim e shtetasit: A. K. 32 vjeç, banues në Lezhë.
Po punohet për identifikimin dhe kapjen e bashkëpunëtorëve të tjerë dhe zbardhjen e plotë te ngjarjes.
Materialet iu referuan Prokurorinë e Rrethit Gjyqësor Shkodër, për veprat penale “Kanosja” ,”Plagosja e lehtë me dashje”, “Shkatërrimi i pronës”, “Prishja e qetësisë publike”, “Prodhimi dhe mbajtja pa leje e armëve luftarake dhe e municionit” të kryera në bashkëpunim./a.m.
