Kokainë, pará, celularë e peshore elektronike, të fshehura poshtë dyshekut të krevateve. Në kuadër të operacionit të koduar “High”, policia ka zbuluar banesën e një grupi shpërndarësish të kokainës në Shkodër dhe ka arrestuar dy prej tyre.
Sipas burimeve zyrtare nga policia, në pranga kanë rënë: Abdyl Canga, 22 vjeç dhe Aleks Shpendi, 28 vjeç, të dy banues në Shkodër.
Pas kontrollit në banesën e tyre, policia gjeti dhe sekuestroi një sasi prej 173.6 gramë lëndë narkotike e dyshuar kokainë, 100 000 lekë të reja, 2 aparate celular dhe 1 peshore elektronike të vogël.
NJOFTIMI I POLICISE:
Nga Sektori për narkotikët në Drejtorinë Vendore të Policisë Shkodër, në bazë të informacioneve të siguruara në rrugë operative se disa shtetas në bashkëpunim me njëri tjetrin shpërndanin në orët e vona lëndë narkotike, u organizua puna hetimore dhe u realizua me sukses operacioni “High” ku u bë e mundur kapja dhe arrestimi në flagrancë i shtetasve:
Abdyl Canga, 22 vjeç, banues në Shkodër
Aleks Shpendi, 28 vjeç, banues në Shkodër
Gjatë kontrollit të ushtruar ju gjetën dhe u sekuestruan në cilësinë e provës materiale:
një sasi prej 173.6 gram lëndë narkotike e dyshuar kokainë
-100 000 lekë të reja
-2 aparate celular
-1 peshore elektronike e vogël.
Materialet iu referuan Prokurorisë së Rrethit Gjyqësor Shkodër për veprën penale “Prodhimi dhe shitja e narkotikëve e kryer në bashkëpunim” parashikuar nga neni 283 e 25 i Kodit Penal.
BW/d.i.
