Policia e Shkodrës ka finalizuar operacionin e koduar “Pizza Express”, ku janë dokumentuar me prova ligjore 3 vjedhje me dhunë, ndërsa janë vënë në pranga autorët e dyshuar Ilir Mhillaj, 31 vjeç, Vate Mhillaj, 24 vjeç, Prekë Mhillaj, 21 vjeç, të tre banues në Shkodër.
Të tre të arrestuarit , në bashkëpunim me njëri-tjetrin, janë autorë të 3 ngjarjeve të rënda kriminale, të ndodhura në periferi të qytetit të Shkodrës, në orët e vona të natës dhe konkretisht më datë 24 dhjetor 2016, është vjedhur me dhunë shtetasi me iniciale Xh.M. Më datë 22 janar 2017, është vjedhur me dhunë shtetasi me iniciale E.D. Më datë 25 janar 2017, është vjedhur me dhunë shtetasi me iniciale E.L.
Sipas policisë, këta persona, pasi bënin porosi në piceri të ndryshme të qytetit, iu dilnin para duke iu prerë rrugën dhe të maskuar me kapuça dhe paruke, ushtronin dhunë ndaj të dëmtuarve dhe ju vidhnin motorrat dhe sendet personale si, celularin dhe portofolin.
Në cilësinë e provës materiale janë gjetur dhe sekuestruar 1 mjet tip “Volsvagen”, me targë AA086GK, 1 armë gjahu, 2 motorcikleta “Dajang”, 6 granata, 5 ndezësa të pa montuar, 2 palë paruke, 1 palë doreza plastike, 2 kapuça, 10 telefona të markave të ndryshme, 3 telefona celular “Sony Erikson” dhe 2 “IPhone”, 10 karta sim.
Materialet procedurale iu referuan Prokurorisë së Rrethit Gjyqësor Shkodër, për veprat penale të “Vjedhjes me Dhunë” , kryer në bashkëpunim dhe “Prodhimi dhe mbajtja pa leje e armëve luftarake dhe e municionit”.
ma.me
