Kryetari i PD-së, Lulzim Basha, ka bërë thirrje nga Shkodra që të përfundohet një orë e më parë Reforma në Drejtësi dhe ajo Zgjedhore. Këtë deklaratë Basha e bëri, gjatë një peligrinazhi të zhvilluar në Shkodër, me rastin e 25 vjetorit të vrasjes së 4 dëshmorëve të demokracisë. Ai ka nënvizuar se ky proces do të duhet të kryhet me mbështetjen e SHBA-së dhe BE-së.
“Ne jemi të vendosur që projekti europian të mos ndryshket nga një oligarki në qeveri. Të përfundojmë një orë e më parë Reformën në Drejtësi dhe atë Zgjedhore, me mbështetjen e SHBA-së dhe BE-së”, ka deklaruar Basha.
Në qendër të fjalës së kreut të PD-së ka qenë edhe qeverisja e vendit nga koalicioni i majtë. Sipas tij, PD-ja është e vendosur që të mos lejojë që një grusht njerëzish në qeverisjen e vendit të rrënojnë, varfërojë dhe të grabisë më tej Shqipërinë dhe shqiptarët.
“Duhet t’i japim vendit një drejtim tjetër. Trashgimtarët politik të atyre që vranë me 2 prill po kthehen tek dhuna, urrejtja, korrupsioni dhe luksi për vete, duke rishfaqur diskriminimin politik dhe ekonomik. Rama- Meta duan pushtet me ccdo kusht e me cdo cmimim”, ka deklaruar Basha.
Sipas tij, modeli i tyre është e shkuara ku në themel qëndron pasurimi i qeveritarëve dhe varfërimi i qytetarëve. Basha ka nënvizuar se Rama dhe Meta mendojnë se pushteti është mbi ligjin dhe mbi kushtetutën.
“Do vijojmë së denoncuari dhe protestuari. Ky është regjimi i sundimit të një grushti njerëzish që pasurohen vetë. Shqiptarët ikin sepse abuzon banda në krye të qeverisë. Ne do ti japim fund kësaj situate”, ka deklaruar Basha
(javanews.al) Me. Ar